Bald esch es so wiit ond au ich flüge ab richtig Down Under. Am 7. März 2008 packe ich mini 7 Sache, stiige ih is Flugi richtig Brisbane (mit Zwische-Stop in Singapur) ond nime d'Aussies mit ihrem vielsitige Land bzw. Kontinent för die nächschte 10 Wuche nöcher under d'Lupe. Min Liebschte esch bereits sit em 14. Februar in Sydney onderwägs (siehe http://akkim79.blogspot.com).
Nachdem ich nach mine 4 Wuche Sprachschuel in Brisbane met mim Mami d'Ostküste ond d'Gegend rund um de Ayers Rock für 3 Wuche unsicher gmacht han, triff ich ihn denn in Sydney wieder. Mis Mami goht denn leider scho weder zrugg in richtig Heimat, ond de Joachim ond ich gönd zäme wiiter nach Perth, um die letschte 3 Wuche d'Westküste z'erkunde. Bsonders freue mer eus natürli scho uf's tauche am Ningaloo-Reef. :-)) Als krönende Abschluss verbringe mer no en Tag in Singapore.
Also ihr gsänd, das wird für mich e spannendi ond sehr abendtüürlichi Zyt, ond ich be sicher, dass mich au de 5. Kontinent begeischtere wird! :-) Do uf mim Blog chönd ihr gern eui Kommentär hinderloh, i luege dass ich immer echli up-to-date bin ond über mini neuschte Erläbnis cha berichte. See ya!
